My Blog List

Sunday, July 28, 2013

അശറുമോന്‍ നമ്മുടെയെല്ലാം കാരുണ്യം പ്രതീക്ഷിക്കുന്നുണ്ടെട്ടോ!

      
   മലപ്പുറം ജില്ലയില്‍ മക്കരപ്പറമ്പ് ഗ്രാമപ്പഞ്ചായത്തിലെ കാച്ചിനിക്കാട്ടില്‍ പുല്ലത്ത് മൊയ്തു-തയ്യില്‍ ഖദീജ ദമ്പതികളുടെ മകന്‍ മുഹമ്മദ് അശ്‌റഫിനെ(23)സന്ധികളില്‍ കടുത്ത വേദനയുണ്ടാക്കുന്ന എസ് എല്‍ ഇ രോഗം പതിമൂന്നാം വയസ്സില്‍ത്തന്നെ പിടികൂടി. ഈ അസുഖം കാരണം പത്താംതരം ജയിച്ചതോടെ പഠനം നിര്‍ത്തേണ്ടിവന്നു ഈ കുട്ടിക്ക്. ഇതിനുള്ള ചികിത്സ ചെയ്തുകൊണ്ടിരിക്കേ കഴിഞ്ഞ വര്‍ഷമാണ് മറ്റൊരു ദുരന്ത സത്യം തിരിച്ചറിയുന്നത്. കുട്ടിയുടെ രണ്ടു വൃക്കകളും പ്രവര്‍ത്തനരഹിതമായിരിക്കുന്നു. ഇപ്പോള്‍ ആഴ്ചയില്‍ രണ്ടോ മൂന്നോ തവണ ഡയാലിസിസ് ചെയ്യേണ്ട അവസ്ഥയിലായിരിക്കുന്നു അശറുമോന്‍. വൃക്ക മാറ്റി വെക്കാന്‍ 15 ലക്ഷത്തിലധികം രൂപ ചെലവുവരും. നിതേ്യനയുള്ള മരുന്നിനും,ഡയാലിസിസിനുമൊക്കെയുളള ചെലവുകള്‍ വേറെയും. അതിനുള്ള കഴിവുള്ളവരല്ല അശറുമോന്റെ കുടുംബം. ഈ കുടുംബത്തിന്റെ ദയനീയാവസ്ഥ കണ്ടറിഞ്ഞ് കാച്ചിനിക്കാട് മഹല്ല് ജുമാമസ്ജിദ് കമ്മിറ്റി ഭാരവാഹികളായ ചോലക്കല്‍ അബു, ടി.എം. ഹസ്സന്‍ ഫൈസി തുടങ്ങിയവരുടെ നേതൃത്വത്തില്‍ സഹായ സമിതി രൂപീകരിച്ചിട്ടുണ്ട്. കാതലിക് സിറിയന്‍ ബാങ്കിന്റെ മക്കരപറമ്പ് ശാഖയില്‍ 020203086821190001 നമ്പരായി എക്കൗണ്ട് തുടങ്ങിയിരിക്കുന്നു-ഐ എഫ് സി കോഡ് CSBK0000202. ഫോണ്‍: 94463 93138. അശ്‌റുമോന്റെ വീട്ടിലെ ഫോണ്‍: 9744946785.
    നമ്മുടെയെല്ലാം കാരുണ്യം അശറുമോനും കുടുംബവും തീര്‍ച്ചയായും പ്രതീക്ഷിക്കുന്നുണ്ടെട്ടോ!

Thursday, July 18, 2013

മോഹന്‍ദാസിന്റെ കുടുംബത്തെ സഹായിക്കുമല്ലോ!

                                       


   മലപ്പുറം ജില്ലയിലെ കോഡൂര്‍ ഗ്രാമപ്പഞ്ചായത്തിലെ ചെമ്മങ്കടവില്‍ തലപ്പുള്ളി മുണ്ടന്‍-ചെള്ളിച്ചി ദമ്പതികളുടെ മകന്‍ മോഹന്‍ദാസ് (38) 2013 മെയ് 04 ന് കിണറുപണിക്കിടെ മോട്ടോറില്‍നിന്ന് ഷോക്കേറ്റ് മരണപ്പെടുകയുണ്ടായി. ഭാര്യ പ്രമീളയും 3 കുട്ടികളുമടങ്ങുന്നതാണ് മോഹന്‍ദാസിന്റെ കുടുംബം. മൂത്ത മോള്‍ രഞ്ജിനി അഞ്ചിലും രണ്ടാമത്തെ മോന്‍ റിജുദാസ് രണ്ടിലും ചെറിയമോന്‍ റിഷുദാസ് യു.കെ.ജി.യിലും പഠിക്കുന്നു. വാടകവീട്ടില്‍ താമസിക്കുന്ന ഈ കുടുംബം മോഹന്‍ദാസിന്റെ ദാരുണമരണത്തോടെ നിരാലംബമായിരിക്കുന്നു. മോഹന്‍ദാസിന്റെ പ്രായമേറെയായ അച്ഛനെക്കൊണ്ടുമാത്രം ഈ കുടുംബത്തെ സംരക്ഷിക്കുവാന്‍ സാധിക്കുകയില്ല. ഇതു കണ്ടറിഞ്ഞ് നല്ലവരായ നാട്ടുകാര്‍ ഒരു കുടുംബ സഹായ ഫണ്ട് സ്വരൂപിക്കാന്‍ തീരുമാനിച്ചിരിക്കുന്നു. ഇതിനായി കോഡൂര്‍ ഗ്രാമപ്പഞ്ചായത്ത് വൈസ് പ്രസിഡന്റ് ഷാജി സി.പി. ചെയര്‍മാനായും വാര്‍ഡ് മെമ്പര്‍ കെ. ഷീന കണ്‍വീനറായും പരി സുരേഷ് കുമാര്‍ ട്രഷററായും ഒരു കമ്മറ്റി രൂപീകരിച്ചിരിക്കുന്നു. പണം നിക്ഷേപിക്കാനായി ഷാജി സി.പി.യുടെ പേരില്‍ എസ്.ബി 3011 നമ്പറായി ചെമ്മങ്കടവിലെ കോഡൂര്‍ സര്‍വീസ് സഹകരണ ബാങ്കിലും, 67224171533 നമ്പറായി (ഐ.എഫ്.സി കോഡ് SBTR 000070196) എസ്.ബി.ടി മലപ്പുറം മെയിന്‍ ശാഖയിലും എക്കൗണ്ടുകള്‍ ആരംഭിച്ചിരിക്കുന്നു.
       സഹായ സഹകരണങ്ങള്‍ പ്രതീക്ഷിക്കുന്നു.